Սփյուռքը միանում է Դիմադրության շարժմանը. զորակցության հավաք՝ Ֆրանսիայում

Նկատի ունենալով Հայաստանի եւ Արցախի անվտանգային լրջագույն խնդիրները, Ադրբեջանի եւ Թուրքիայի հետ ՀՀ իշխանությունների բացահայտ եւ կուլիսային պայմանավորվածությունների հարուցած վտանգներն ու հնարավոր անդառնալի հետեւանքները` ՀՅԴ կառույցը աշխարհի տարբեր անկյուններում նոյեմբերի 8-9-ը կազմակերպում է ակցիաներ` ի զորակցություն Հայրենիքում ձեւավորվող ազգային դիմադրության՝ ընդգծելով Հայրենիքի, Սփյուռքի միասնականությունը, համախմբվածությունը Հայաստանի, Արցախի եւ համայն հայության իրավունքների պաշտպանության հարցում:

«Հավաք մեր հողերի հանձնման դեմ, երկուշաբթի` ժամը 18:00-ին Փարիզում ՀՀ դեսպանատան դիմաց։ Ասենք Ո՛Չ մեր հողերի հանձնմանը, Ո՛Չ նոր համաձայնագրի ստորագրմանը...», - նշված է ՀՅԴ Ֆրանսիայի կառույցի պաշտոնական էջի տարածած հաղորդագրության մեջ: