Այսօր մենք հայտնվել ենք ավելի վտանգավոր իրավիճակում․ Սեյրան Օհանյան

Տարածաշրջանային իրադարձությունների համատեքստում այսօր Հայաստանն ու Արցախը հայտնվել են այնպիսի իրավիճակում, որ շարունակական են աշխարհի ուժային կենտրոնների շահերի բախումները մեր տարածաշրջանում։ Նաև տարածաշրջանային դերակատարների մուտքն է թույլ տրվել Հարավային Կովկաս, և թուրք-ադրբեջանական տանդեմի ձեռնարկած սադրանքի արդյունքում մենք հայտնվել ենք այսպիսի դժվարին իրավիճակում․ «Հայաստանին և Արցախին սպառնացող վտանգներն ու դրանց հաղթահարման ուղիները» թեմայով կլոր սեղանի ժամանակ ասաց «Հայաստան» խմբակցության ղեկավար Սեյրան Օհանյանը։

«Մեկ տարի է անցել այն իրադարձություններից, որ հարձակում գործեցին Արցախի, հայ ժողովրդի նկատմամբ, և այդ մեկ տարվա ընթացքում լիարժեք գնահատական չի տրվել իրավիճակին։ Այս իրավիճակի ոչ ճիշտ դիագնոզն է, որն անորոշություն է բերում Հայաստանի ու Արցախի հեռանկարի համար»,- նշեց նա։