Ֆրանսիայում ձերբակալվել է հանցավոր խումբ՝ կապված «հայկական և վրացական մաֆիայի» հետ

Ֆրանսիայի իրավապահ մարմինների աշխատակիցները կանխել են հանցավոր խմբի գործունեությունը, որն, ըստ իրենց տեղեկությունների, առնչվում է «ռուսալեզու մաֆիայի» հետ․ կիրակի հայտարարել է Ֆրանսիայի ազգային ժանդարմերիան:

«Ժանդարմները, Ամիեն քաղաքի որոնողափրկարարական ստորաբաժանումը և Հանցագործության դեմ պայքարի կենտրոնական գրասենյակը դադարեցրել են անդրազգային հանցավոր կազմակերպության գործունեությունը»,- ասվում է ժանդարմերիայի Twitter-ում տեղադրված հայտարարության մեջ:

Ըստ քննիչների՝ նրանք կապ են ունեցել «հայկական և վրացական» հանցավոր խմբավորումների հետ, որոնք առնչվում են ռուսախոս մաֆիայի հետ:

Ոստիկանական գործողության արդյունքում բերման է ենթարկվել 37 մարդ: Ժանդարմները խուզարկություններ են իրականացրել 61 վայրում:

Հայտարարության մեջ նշվում է, որ հանցավոր խումբը մաքսանենգ ճանապարհով ծխախոտ ու գողացված մեքենաներ էր տեղափոխում: