Անհայտ անձինք թալանել են ՀՅԴ Սևանի կոմիտեության գրասենյակը

Մեկ ամսվա ընթացքում արդեն երկրորդ անգամ թալանել են ՀՅԴ Սևանի կոմիտեության գրասենյակը. այս մասին Yerkir.am-ին փոխանցել են կոմիտեության գրասենյակից:

Առաջին անգամ անհայտ անձինք գրասենյակ են մուտք գործել սեպտեմբերի 20-ին և գողացել ջեռուցման կաթսան, երկրորդ անգամ՝ հոկտեմբերի 9-ին, որի ժամանակ գողացել են ջեռուցման համակարգի մարտկոցներն ու հեռուստացույցը:

Սևան քաղաքի Նաիրյան փողոցի վրա գտնվող գրասենյակ գողերը մուտք են գործել պատուհանների փեղկերը վնասելով բացելու միջոցով:   

ՀՅԴ Սևանի Կոմիտեի նախագահ Արման Հայրապետյանը Yerkir.am-ին փոխանցեց, որ դեպքերի կապակցությամբ հանցագործության մասին հաղորդագրություն է ներկայացվել ոստիկանություն, պատկան մարմիններից արդեն եկել և տեղում զննություն են կատարել, վերցրել մատնահետքեր:

Կարո՞ղ է այս ամենն ունենալ քաղաքական ենթատեքստ՝ ՀՅԴ Սևանի Կոմիտեի նախագահը ոչինչ չի բացառում: «Գործն իրավապահների վարույթում է, և մենք մեր եզրակացությունները կհնչեցնենք քննության ընթացքում»,- նշեց Արման Հայրապետյանը: