Այս պահին Երևանում sett-weather
Փոխարժեքներ 09 09 2025
USD ⚊ $ 382.77
EUR ⚊ € 447.46
RUB ⚊ ₽ 4.7
GBP ⚊ £ 515.9
GEL ⚊ ₾ 142.16
կարևոր
0 դիտում, 3 տարի առաջ - 2021-10-14 12:54
Հասարակություն

Հոր նկատմամբ ոստիկանների կիրառած բռնությունից հետո 3 տարեկան երեխային ցնցումների մեջ տեղափոխել են հիվանդանոց

Հոր նկատմամբ ոստիկանների կիրառած բռնությունից հետո 3 տարեկան երեխային ցնցումների մեջ տեղափոխել են հիվանդանոց

ArmLur.am-ին հայտնի դարձավ, որ քիչ առաջ ցնցումների մեջ «Սուրբ Աստվածամայր» բուժկենտրոն են տեղափոխել 3 տարեկան տղա երեխայի: Երեխան ցնցման մեջ է ընկել երեկ ոստիկանների կողմից Քեսաբի 6 հասցեում իր հայրիկին՝ Վազգեն Ռաֆայելյանի նկատմամբ բռնություն կիրառելուց հետո: Ռաֆայելյանն ասել է, որ երեխայի համար շտապօգնություն են կանչել ու տեղափոխում են հիվանդանոց:

Ոստիկանությունից հայտնել են, որ ներքին անվտանգության վարչությունում ծառայական քննություն է նշանակվել:

Իրավաբան Արա Զոհրաբյանը հայտարարել է, որ, եթե ոստիկանների այս տեսակը չմաքրվի համակարգից և խիստ պատժի չարժանանա, ապա ամբողջ ոստիկանության ինստիտուտը՝ իր մեջ ներառող բարեխիղճ ոստիկաններով չի կարողանա վստահություն վայելել հանրության աչքերում:
 
«Այս միջադեպում չկար անձի իրավունքները, ազատությունները և պատիվը հարգելու սկզբունքը, ընդհանրապես բացակայում էր մարդասիրությունը: Անկախ նրանից, ոստիկանության նպատակն իրավաչափ էր, թե՝ ոչ (փաստաբանի պնդմամբ իրավաչափ չէր, վարչական ակտը վիճարկվում էր), միևնույն է, ոստիկանությունը պետք է վերոհիշյալ սկզբունքներով ղեկավարվեր: Որպես Հայաստանի Հանրապետության քաղաքացի, փաստաբան կոչ եմ անում ՀՀ ոստիկանության պետին և ՀՀ հատուկ քննչական ծառայության պետին այս միջադեպը դարձնել քննության առարկա և մեղավոր ոստիկանների պատասխանատվության հարցը լուծել», - նշել է նա։
 
 
 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը