Աբդալլահ թագավորը և Բաշար Ասադը հաշտվել են

Կիրակի՝ հոկտեմբերի 3-ին, Հորդանանի թագավոր Աբդալլահ Երկրորդը զանգահարել է Սիրիայի նախագահ Բաշար Ասադին: Ըստ Al Jazeera-ի՝ սա արաբական գարնան սկզբից ի վեր՝ վերջին 10 տարիների ընթացքում, առաջին հաղորդակցությունն է երկու պետությունների ղեկավարների միջև:

Հաղորդագրության մեջ նշվում է, որ Ամմանի և Դամասկոսի մամուլի ծառայությունները զեկուցել են թագավորի և Ասադի շփման մասին` «երկու երկրների եղբայրական հարաբերությունների զարգացման և համագործակցության ընդլայնման ուղիների որոնման» լույսի ներքո:

Աբդուլլահ Երկրորդը հաստատել է իր երկրի քաղաքականությունը՝ աջակցում են «Սիրիայի ինքնիշխանության, կայունության և տարածքային ամբողջականության պահպանման ջանքերին»: