Էրդողանի վարչակազմը հայտարարել է, որ Ադրբեջանի եւ Թուրքիայի հարաբերությունները չպետք է անհանգստացնեն որևէ մեկին

Երրորդ երկրները չպետք է անհանգստանան ադրբեջանա-թուրքական հարաբերությունների պատճառով: Այս հայտարարությունն արել է Թուրքիայի նախագահի վարչակազմը:

Հայտարարության մեջ ասվում է, որ «Անկարան և Բաքուն բոլոր իրավունքներն ունեն զարգացնելու և ամրապնդելու երկկողմ հարաբերությունները բոլոր ոլորտներում, և դա նրանց ինքնիշխան իրավունքն է: Ադրբեջանի եւ Թուրքիայի միջև հարաբերությունների ամրապնդումն ուղղված չէ երրորդ երկրների դեմ, ընդհակառակը՝ դա տարածաշրջանում կայունության և անվտանգության երաշխավոր է»:

Վարչակազմն ընդգծել է, որ «Թուրքիան և Ադրբեջանը առանցքային երկրներ են համագործակցության բոլոր տարածաշրջանային եռակողմ ձևաչափերում»: