Թուրքիան MiM-23 Hawk համալիրներ է տեղակայել Սիրիայում՝ ռուսական ավիացիայի որս սկսելու համար

Թուրքիան Սիրիայի Իդլիբ քաղաքի տարածք է փոխադրել առնվազն երեք MiM-23 Hawk զենիթահրթիռային համալիրներ, որոնց օգնությամբ, ենթադրվում է, ռուսական և սիրիական ռազմական ինքնաթիռների որս է սկսվելու. հայտնում են ռուսական թելեգրամյան ալիքները։

ՀՕՊ համակարգերն անմիջականորեն շահագործվում են Սիրիայում գործող թուրքամետ խմբավորումների կողմից. դրանց օգնությամբ Թուրքիան արդեն մի քանի տարի է՝ իր վերահսկողության տակ է պահում երկրի մի շարք տարածքներ:

Փորձագետների կարծիով՝ նման հակաօդային համակարգերի կիրառումը կարող է լուրջ սպառնալիք լինել ռուսական ռազմական ավիացիայի համար, հատկապես՝ եթե հաշվի առնենք Իդլիբ նահանգում էսկալացիայի նոր փուլը: Հնարավոր է, որ այդ զենիթային համակարգերը կարող են դառնալ ռուսական ռազմական ավիացիայի և հատուկ նշանակության ուժերի հիմնական թիրախը:

Այս տեղեկատվությունը դեռ պաշտոնապես չի հաստատվել, սակայն լրագրողները պնդում են, որ Սիրիայի Իդլիբ քաղաքի շրջանում տեսել են առնվազն երեք MiM-23 Hawk զենիթահրթիռային համակարգեր, որոնց հիմնական թիրախը, ենթադրաբար, ռուսական ինքնաթիռներն են։