Գեղամ Մանուկյանն ԱԺ-ում ձայնագրություն հրապարակեց, որը հերքեց Փաշինյանի՝ րոպեներ առաջ արած հայտարարությունը

ԱԺ-Կառավարություն հարցուպատասխանի ժամանակ «Հայաստան» խմբակցության  պատգամավոր Գեղամ Մանուկյանը հիշեցրել է Նիկոլ Փաշինյանի 2020-ի հոկտեմբերի 14-ին արած հայտարարությունը, որտեղ նա ասում է, թե միայն պատերազմի սկսման կոնկրետ ժամը չեն իմացել, մնացածն անսպասելի չի եղել: Պատգամավորը միացրել է անգամ համապատասխան ձայնագրությունը, Փաշինյանը հերքելով, ըստ էության, հաստատել է, որ պատերազմի օրը լավ էլ հայտնի է եղել:

«2000-ականների մեկնարկից Ադրբեջանը հայտարարում է, որ ինքը պատրաստվում է ռազմական ճանապարհով լուծել Ղարաբաղի հարց: Երբ քննիչ հանձնաժողովը կձևավորվի և հետախուզության զեկույցներին հասանելիության կունենա, կտեսնեք, որ այնտեղ պարբերաբար այդ գնահատականը կա, որ հավանականություն կա պատերազմի: Այսինքն, այդտեղ գաղտնիք այդ առումով չկա: Այո, տեղը և ժամը չենք իմացել»,- ասել է նա՝ հավելելով, որ խնդիր կար հնարավոր պատերազմի մասշտաբների հետ կապված: