Ունենք նոր մարտահրավերներ և նոր իրավիճակ Արցախի հարցում, դա պետք է հասկանաք. Աղվան Վարդանյանը՝ ՔՊ-ին

«Հայաստան» և «Պատիվ ունեմ» խմբակցություններն առաջարկել էին ստեղծել Արցախի հարցերով առանձին հանձնաժողով, հետո առաջարկել էինք հանձնաձողովներից մեկը վերանվանել և ավելացնել Արցախ անունը: Ցավոք, ՔՊ-ն երկու դեպքում էլ ձեռնպահ քվեարկեց: Այս մասին Ազգային ժողովում ասաց «Հայաստան» խմբակցության պատգամավոր Աղվան Վարդանյանը՝ նշելով, որ եթե անգամ Արցախի Հանրապետություն եզրույթը չի օգտագործվում, սա խոսում է թուլության մասին:

«ՔՊ-ին առաջարկում եմ՝ ևս մեկ անգամ մտածեք այս մասին, ձեռնպահ քվեարկելով՝ հարցը չի լուծվում, եթե դուք ուզում եք ինքնիշխան պետության մեծամասնություն կազմող ուժ լինել, այսպես հարցը չի լուծվում»,- ասաց նա: