Չիլիում անկարգությունների ընթացքում 10 մարդ է բերման ենթարկվել

Չիլիի ոստիկանությունը բերման է ենթարկել առնվազն 10 մարդու անկարգություններում մասնակցության համար, որոնք բռնկվել են Չիլիում պետական հեղաշրջման 48-րդ տարելիցի կապակցությամբ, հաղորդում է Reuters-ը:

Ինը մարդ բերման է ենթարկվել անկարգություններում մասնակցության եւ վանդալիզմի գործողությունների համար, եւս մեկ մարդ ձերբակալվել է իրավապահ մարմինների աշխատակցին ուղղված սպառնալիքների համար:

Նախորդ օրը Չիլիի մայրաքաղաքում անցկացվել են ավանդական ցույցեր պետական հեղաշրջման տարելիցի կապակցությամբ: Ցուցարարներից մի քանիսը պայթուցիկ նյութեր են նետել ոստիկանների ուղղությամբ եւ փորձել բարիկադներ կառուցել, ինչպես նաեւ այրել են ավտոմեքենա եւ լցակայան: Իրավախախտներին ցրելու համար ոստիկանությունը կիրառել է արցունքաբեր գազ:

2020 թվականին պետական հեղաշրջման տարելիցի կապակցությամբ անկարգություններին մասնակցելու համար բերման էր ենթարկվել ավելի քան 100 մարդ: