Քադաֆիի կրտսեր որդին փախել է Թուրքիա

Լիբիայի նախկին առաջնորդ Մուամար Քադաֆի կրտսեր որդին՝ Սաադին, կիրակի օրը լքել է Լիբիան` անձնական անվտանգության նկատառումներից ելնելով: Այս մասին հայտնել է Al Hadath հեռուստաալիքը:

Տրիպոլիի իշխանությունները Սաադի Քադաֆիին արդարացնելուց հետո թույլատրել են լքել երկիրը, և նա Միտիգա միջազգային օդանավակայանից մեկնել է Թուրքիա:

Սաադի Քադաֆին 2011 թվականի աշնանը սպանված՝ Լիբիայի առաջնորդի երրորդ որդին է: Քադաֆիի ռեժիմի տապալումից հետո նա փախել էր Նիգեր, սակայն 2014 -ին նրան արտահանձնել էին: Նա մի քանի տարի անցկացրել է Տրիպոլիի բանտում, իսկ 2018-ին արդարացվել է 2011-ի, այսպես կոչված, գարնանային հեղափոխության ժամանակ սպանություն և ճնշումներ կազմակերպելու մեղադրանքից, որի ընթացքում ապստամբների կողմից դաժանաբար սպանվել էր Մուամար Քադաֆին, և լիակատար քաոս էր սկսվել երկրում, որը շարունակվում է ցօրս:

Սաադիի ավագ եղբայր Սեյֆ ալ Իսլամը շարունակում է մնալ տնային կալանքի տակ, թեև նրա դեմ բոլոր մեղադրանքները պաշտոնապես հանվել են: Ի դեպ, լիբիական մամուլում ակտիվորեն քննարկվում է դեկտեմբերին նշանակված ընտրություններում երկրի նախագահի պաշտոնում Սեյֆ ալ Իսլամի հավանական առաջադրման մասին լուրը: