Ծովազարդ գյուղի մոտ ավտոմեքենաներ են բախվել․ կան տուժածներ

Սեպտեմբերի 3-ին, ժամը 09:05-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ծովազարդ գյուղի մոտակայքում տեղի է ունեցել ՃՏՊ․ կան տուժածներ։ 

Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ 

Պարզվել է, որ Սևան-Մարտունի-Գետափ ավտոճանապարհի մոտ 14-րդ կմ-ին բախվել են «Vaz-21012» և «Volkswagen Golf» մակնիշների ավտոմեքենաները:

Մինչ փրկարարների կանչի վայր հասնելը «Volkswagen Golf» ավտոմեքենայի տուժածները և «Vaz 21012» ավտոմեքենայի տուժածներից մեկը հոսպիտալացվել են Գավառ քաղաքի ԲԿ:

Փրկարարները տուժած Ա․ Մ․-ին տեղափոխել են Գավառ քաղաքի ԲԿ։

Փրկարարները հոսանքազրկել են ավտոմեքենաները և փակել գազի բալոնների փականները: