Պուտինը դպրոցականներին կոչ է արել ուսումնասիրել պատմությունը

Ռուսաստանի նախագահ Վլադիմիր Պուտինը սեպտեմբերի 1-ին «Օկեան» համառուսաստանյան մանկական կենտրոնում դպրոցականների հետ հանդիպման ժամանակ հայտարարել է, որ պատմությունը բոլոր գիտելիքների առանցքն է, հիմքը:

Դպրոցականների հետ զրույցում, որը նախագահն անվանել է «դաս», նա շեշտը դրել է երեխաների ապագա մասնագիտության ընտրության վրա: Վլադիմիր Պուտինը կոչ է արել նրանց՝ ընդլայնել իրենց գիտելիքները կյանքի բոլոր ոլորտներում:

Պուտինը նաև պատմել է իր մանկական երազանքների մասին։ «Ինձ հաջողվել է հասնել այն բանին, ինչի մասին երազում էի։  Այս առումով ես երջանիկ եմ։  Կյանքի տարբեր ժամանակահատվածներում մարդն իր երազանքները համեմատում է իր զարգացման մակարդակի, աշխարհի տեսլականի հետ: Ինչպես շատ տղաներ, ես ուզում էի լինել նավաստի, օդաչու, հետախույզ, և ես շատ բան եմ իրականացրել։ Բայց դա գլխավորը չէ, գլխավոր դաստիարակությունն է, նպատակները»,- ասել Է Վլադիմիր Պուտինը։