Ֆրանսիայում բողոքի նոր ալիք է բարձրացել

Փարիզում, նաեւ ֆրանսիական մի շարք այլ քաղաքներում, անցած հանգստյան օրերին ավելի քան 100 հազար մարդ է փողոց դուրս եկել:

Բողոքել են կորոնավիրուսով պայմանավորված նոր, ավելի խիստ սահմանափակումների դեմ: Դրանց համաձայն՝ բուժաշխատողները մինչեւ սեպտեմբեր պետք է պարտադիր պատվաստվեն, հակառակ դեպքում՝ իրենց աշխատանքի դիմաց չեն վճարվի:

Քաղաքացիներն էլ հանրային վայրեր, օրինակ՝ ռեստորան ու կինոթատրոն մուտք գործելու համար պետք է ցույց տան պատվաստված լինելու մասին վկայականը կամ վերջերս արած Քովիդ-19-ի առկայության թեստի բացասական պատասխանը:

Այս ամենից դժգոհ ֆրանսիացիները հրկիզել են պատվաստման 2 կենտրոն: Քննադատները նախագահ Էմանուլ Մակրոնի կառավարությանը մեղադրում են մարդու իրավունքները ոտնահարելու համար: