ՈւՂԻՂ. ՍԴ-ն քննում է ԱԺ ընտրությունների արդյունքները վիճարկող դիմումները

Այսօր՝ հուլիսի 9-ին, Սահմանադրական դատարանում տեղի է ունենում քաղաքական ուժերի՝ հունիսի 20-ին Հայաստանում անցկացված խորհրդարանական ընտրությունների արդյունքները վիճարկելու մասին դիմումի քննությունը:

ՍԴ հրապարակված որոշման համաձայն՝ քաղաքական ուժերի ներկայացրած դիմումի քննությունը տեղի կունենա բանավոր ընթացակարգով։ Սահմանադրական դատարանը որոշել է բոլոր ուժերի ներկայացրած դիմումները միավորել և դրանց քննությունն իրականացնել այսօր։ Գործով զեկուցող է նշանակվել ՍԴ դատավոր Էդգար Շաթիրյանը։

Հիշեցնենք՝ խորհրդարանական արտահերթ ընտրությունների արդյունքները ճանաչելու մասին Կենտրոնական ընտրական հանձնաժողովի որոշումը չեղյալ համարելու մասին դիմում ՍԴ ներկայացրել էին հետևյալ քաղաքական ուժերը՝ «Հայաստան» և «Պատիվ ունեմ» դաշինքները, ինչպես նաև՝ «Զարթոնք», «Հայոց հայրենիք» կուսակցությունները։