Մահացել է Պենտագոնի նախկին ղեկավար Դոնալդ Ռամսֆելդը, որը պատասխանատու էր ԱՄՆ-ի՝ Աֆղանստան և Իրաք ներխուժելու համար

88 տարեկանում մահացել է ԱՄՆ պաշտպանության նախկին նախարար Դոնալդ Ռամսֆելդը: Նա կյանքից հեռացել է ընտանիքի շրջապատում՝ ԱՄՆ Նյու Մեքսիկո նահանգում: Այս մասին ասվում է Ռամսֆելդի թվիթերյան էջում տեղադրված հայտարարության մեջ:

Ռամսֆելդը մահացել է միելոմայից՝ չարորակ ուռուցքից. հայտնում է The New York Times- ը՝ վկայակոչելով ընտանիքի անդամներից մեկին:

Դոնալդ Ռամսֆելդը երկու անգամ զբաղեցրել է Պենտագոնի ղեկավարի պաշտոնը՝ 1975-1977 թվականներին՝ ԱՄՆ 38-րդ նախագահ Ջերալդ Ֆորդի, և 2001-2006 թվականներին՝ ԱՄՆ 43-րդ նախագահ Ջորջ Բուշի օրոք: 1970-ականներին Ռամսֆելդը ղեկավարում էր Ամերիկյան սառը պատերազմի ռազմավարությունը, իսկ 2000-ականներին պատասխանատու էր ԱՄՆ ներխուժումների համար Աֆղանստան և Իրաք: Ռամսֆելդի կերպարը հայտնվել է հայտնի «The Vice» ֆիլմում։