Բաքվի դատարանում ընթերցել են հայ 14 ռազմագերու մեղադրական եզրակացությունը

Բաքվի դատարանում ընթերցել են հայ 14 ռազմագերու մեղադրական եզրակացությունը: Նրանց մեղադրանք է առաջադրվել ահաբեկչության, անօրինական ճանապարհով զենք եւ պայթուցիկ նյութեր ձեռք բերելու եւ պահելու, անօրինական զինված խմբավորում ստեղծելու եւ դրան անդամակցելու, պետական սահմանը անօրինական հատելու հոդվածներով:

Մեղադրանքը հաստատվելու դեպքում հայ ռազմագերիները կարող են դատապարտվել 14-ից 20 տարի ժամկետով կամ ցմահ ազատազրկման:

Ռազմագերիներից Վոլոդյա Հակոբյանը դատավորին խնդրել է իրենց հայրենիք վերադարձնելու որոշում կայացնել։ Ռազմագերիները մասամբ ընդունել են ներկայացված մեղադրանքը, սակայն՝ որ մասով, ադրբեջանական լրատվամիջոցները չեն մանրամասնում։

Նրանց մեղադրանք է առաջադրվել 214 (ահաբեկչություն), 228 (զենքի և պայթուցիկ նյութերի ապօրինի ձեռքբերում, պահում), 279 (անօրինական զինված խմբավորումների ստեղծում), 318 (պետական սահմանի ապօրինի հատում) հոդվածներով: