Թուրքիան և ԱՄՆ-ը երկկողմ հարաբերությունների նոր դարաշրջան են մտնում

Թուրքիան և ԱՄՆ-ը երկկողմ հարաբերություններում նոր ժամանակաշրջան են մտնում «դրական և կառուցողական հիմքի վրա»: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ մեկնաբանելով Բրյուսելում անցկացված ՆԱՏՕ-ի գագաթնաժողովում իր ամերիկացի գործընկեր Ջո Բայդենի հետ վերջերս կայացած հանդիպման արդյունքները:

«ԱՄՆ-ի հետ բոլոր մակարդակներում ամրապնդելով իր երկխոսությունը՝ Թուրքիան վճռական է Բայդենի հետ մեր կողմից հաստատված հիանալի մթնոլորտը օգտագործելու հարցում՝ առավելագույնս օգուտ տալով մեր երկրներին»,- ըստ Anadolu-ի՝ ասել է Էրդողանը։ 

Նա շեշտել է, որ Թուրքիայի միակ պահանջն է՝ հարգել իր ինքնիշխան իրավունքները քաղաքական ու տնտեսական ոլորտներում և աջակցել Անկարայի պայքարին ահաբեկչական կազմակերպությունների դեմ: