Ռուսաստանը Թուրքիայի հետ կքննարկի ՆԱՏՕ-ում Ուկրաինայի մասնակցության թեման. Լավրով

Պարբերական շփումների ընթացքում Ռուսաստանը նախատեսում է Թուրքիայի հետ մոտ ապագայում քննարկել Ուկրաինային ՆԱՏՕ-ում ներգրավելու թեման: Այս մասին լրագրողների հետ հանդիպման ժամանակ ասել է ՌԴ արտաքին գործերի նախարար Սերգեյ Լավրովը. հայտնում է ՏԱՍՍ-ը:

«Մենք շատ հստակ, միանշանակ նախանշեցինք մեր դիրքորոշումը՝ կապված Ուկրաինային ՆԱՏՕ-ում ներգրավելու փորձերի հետ: Ես չեմ կասկածում, որ լուրջ, պատասխանատու պետությունները հիանալի հասկանում են, թե ինչի մասին է խոսքը: Մենք կանոնավոր երկխոսության մեջ ենք մեր թուրք գործընկերների հետ և առաջիկայում նախատեսում ենք ևս մեկ շփում: Կարծում եմ՝ իհարկե, այս թեմայի շուրջ էլ կխոսենք»,- ասել է նա: