«100 փաստ նոր Հայաստանի մասին». Էրդողանն այսօր կայցելի ու կզբոսնի հանձնված Շուշիում

Երեկ Բրյուսելում տեղի է ունեցել ՆԱՏՕ–ի գագաթնաժողովը, որի ժամանակ Թուրքիայի նախագահ Ռեջեփ Թայիփ Էրդողանը հանդիպումներ է ունեցել արևմտյան գերտերությունների առաջնորդների, այդ թվում ՝ԱՄՆ նախագահ Ջո Բայդենի հետ։

Ըստ թուրքական «Անադոլու» պետական գործակալության՝ գագաթնաժողովից անմիջապես հետո Էրդողանն ուղևորվել է Ադրբեջան։

Էրդողանն այսօր կհանդիպի Ադրբեջանի նախագահ Իլհամ Ալիևի հետ ՀՀ դավադիր իշխանությունների կողմից թշնամուն հանձնված Շուշիում։ Հանդիպումից հետո նախատեսվում է երկկողմ պայմանագրերի ստորագրում, որին կհաջորդի համատեղ մամուլի ասուլիսը։

Նշենք, որ Էրդողանի հետ են պաշտպանության նախարար Հուլուսի Աքարը, խորհրդականներ և նրա կուսակցական ղեկավար գործընկերներ։

Եթե ՀՀ վարչապետի պաշտոնակատար, ՀՀ–ն ու Արցախը կապիտուլյացիայի հասցրած Նիկոլ Փաշինյանը դարձյալ հրապարակի «100 փաստ նոր Հայաստանի մասին»-ը, ապա վստահաբար այնտեղ մեծատառերով տեղ կգտնի նաև այն փաստը, որ միայն այս իշխանությունների օրոք են Թուրքիայի և Ադրբեջանի նախագահները կարողացել ոտք դնել Արցախ։