Ժիրինովսկին հայտարարել է, որ եթե ադրբեջանցիներին դուր չի գալիս Ռուսաստանում, կարող են հետ գնալ իրենց երկիրը

Ռուս քաղաքական գործիչ Վլադիմիր Ժիրինովսկին խորհուրդ է տվել ադրբեջանցիներին, որոնք Ռուսաստանում ինչ-որ բան չեն հավանում, վերադառնալ իրենց հայրենիքը:

Ժիրինովսկին վրդովվել է Ադրբեջանի պատգամավորների ու Ռուսաստանի ադրբեջանական համայնքի անդամների պահվածքից այն բանից հետո, երբ Նովոսիբիրսկում ճանապարհային ոստիկանության աշխատակիցը պատահաբար կրակել և սպանել է 19-ամյա Վեքիլ Աբդուլլաևին:

«Նովոսիբիրսկի մարզում ձերբակալման ընթացքում մի ոստիկան պատահաբար կրակել է ճանապարհատրանսպորտային իրավախախտներից մեկի վրա: Ադրբեջանի խորհրդարանի պատգամավորները ինչ-որ բողոք են արտահայտում: Ձեզ ի՞նչ։ Եթե Ադրբեջանի բնակիչների համար ինչ-որ բան այն չէ, թող գնան իրենց տուն»,- ասել է քաղաքական գործիչը:

Վլադիմիր Ժիրինովսկին քննադատել է քաղաքային իշխանությունների գործողությունները: Նրա կարծիքով՝ անհրաժեշտ է հանդիպել տարբեր ազգային համայնքների հետ ինչպես քաղաքում, այնպես էլ տարածաշրջանում:

Հիշեցնենք, որ ադրբեջանական սփյուռքը վրդովված էր այն փաստից, որ Վեքիլ Աբդուլլաևի մահվան մեջ մեղադրվող ոստիկանը ազատվել է նախնական կալանքից, իսկ ադրբեջանցու երկու ընկերները ձերբակալվել են ոստիկանների վրա հարձակման համար: