ԵՊՀ֊ի «Սև շենքը» օտարվում է կապիտուլյանտ իշխանությունների ձեռամբ

Կապիտուլյանտ, թշնամու առջեւ կքած իշխանությունը, ինչպես խոստացել էր, սկսում է բուհերը վաճառելու գործընթաց։ Դավաճաններն օտարում են Երեւանի պետական համալսարանի՝ Աբովյան փողոցում գտնվող 6֊րդ մասնաշենքը, որը հայտնի է Սև շենք անվամբ։

Պետական գույքի կառավարման կոմիտեն, ըստ Yerkir.am-ի, «Քաղաքացու իրավունքների պաշտպան» ՀԿ-ին հայտնել է․

«Ներկայումս առկա է համապատասխան ներդրումային ծրագրի համաձայն նշված գույքը ձեռք բերելու առաջարկ եւ գույքն օտարման ներկայացնելու հարցը գտնվում է քննարկման փուլում շահագրգիռ մարմինների հետ, որի ավարտից հետո միայն կհստակեցվի գույքի օտարման նպատակահարմարություն»։

Հիշեցնենք՝  նշված մասնաշենքը պատմական նշանակության հուշարձան է,  այստեղ է գործել Երևանի պետական համալսարանը՝ 1920֊ական թվականներին,  Ալեքսանդրապոլից Երևան տեղափոխվելուց հետո։

Ներկայումս այստեղ են գործում ԵՊՀ պատմության, աստվածաբանության և տնտեսագիտության ֆակուլտետները։