Ֆրանսիան կասկածում է Լիբանանի ԿԲ ղեկավարին փողերի լվացման գործում ներգրավվածության մեջ

Ֆրանսիայի ազգային ֆինանսական դատախազությունը սկսել է հետաքննություն Լիբանանի Կենտրոնական բանկի ղեկավար Ռիադ Սալյամեի նկատմամբ, որը կասկածվում է կազմակերպված խմբի կազմում փողերի լվացման մեջ, հաղորդում է ՏԱՍՍ-ը:

Սալյամեի եւ նրա շրջապատում չորս մարդու՝ եղբոր, որդու, զարմիկի եւ գործընկերոջ նկատմամբ հետաքննությունը սկսվել է մայիսի վերջում այս տարվա ապրիլին հակակոռուպցիոն դատախազությանը ներկայացված երկու բողոքների հիման վրա: Առաջին բողոքը ներկայացրել է Accountability Now շվեյցարական հիմնադրամը, որը զբաղվում է Լիբանանում քաղաքացիական հասարակության աջակցությամբ:

Երկրորդ բողոքն ուղղել է Sherpa հասարակական կազմակերպությունն ու «Լիբանանում խարդախությունների եւ հանցավոր գործունեության զոհերի կոլեկտիվ» ասոցիացիան, որը կազմված է լիբանանյան բանկերում ներդրումներն ու խնայողությունները կորցրած մարդկանցից:

Ինչպես նշում է գործակալությունը, հետաքննությունը նախաձեռնողները պնդում են, որ ամբողջ աշխարհում Սալյամեի ակտիվների ընդհանուր արժեքը գերազանցում է 2 միլիարդ դոլարը: Նրանք խնդրում են ստուգել բանկիրի եվրոպական ակտիվների ծագման օրինականությունը, որը պնդում է, որ կարողությունը ստացված ժառանգության եւ ֆինանսների ոլորտում կարիերայի արդյունք է:

Սալյամեի, նրա եղբայր Ռաժի եւ գործընկեր Մարիան Հոայեքի դեմ նմանատիպ հետաքննություն արդեն վարվում է Շվեյցարիայում: Այդտեղ ուսումնասիրում են այդ երկրի եւ Լիբանանի միջեւ բանկային փոխանցումները 300 միլիոն դոլարի չափով, գրում է AFP-ն: