ՀՀ տարածքն ամառային ամիսներին հիմնականում գտնվելու է տաք օդային հոսանքների ազդեցության գոտում

Հյուսիս-եվրոպական կլիմայական համաժողովի նստաշրջանում ներկայացվել է Հյուսիսային Եվրասիայի տարածքում 2021 թվականի ամռան օդի ջերմաստիճանի և տեղումների քանակի կանխատեսումը։

Համաժողովի մասնակիցների եզրակացության համաձայն՝ Կովկասի տարածաշրջանում, այդ թվում նաև Հայաստանի Հանրապետությունում ամռան միջին ջերմաստիճանը կանխատեսվում է 1-2 նորմայից բարձր, տեղումների քանակը նորմային մոտ, առանձին հատվածներում նաև նորմայից պակաս։

Կանխատեսումից հետևում է, որ ՀՀ տարածքն ամառային ամիսներին հիմնականում գտնվելու է արևադարձային լայնություններից ներթափանցող տաք օդային հոսանքների ազդեցության գոտում, ինչի արդյունքում ժամանակ առ ժամանակ հանրապետությունում հաստատվելու է նորմայից բարձր ջերմային ֆոն։

 Հիդրոօդերևութաբանության և մոնիթորինգի կենտրոն