365 օր. ապագան սկսվում է հիմա. Արմեն Գևորգյանը ներկայացրեց «Հայաստան» դաշինքի նախընտրական ծրագիրը

Րոպեներ առաջ մեկնարկեց «Հայաստան» դաշինքի նախընտրական ծրագրի եւ թիմի ներկայացման հանդիսավոր միջոցառումը՝ լեփ-լեցուն դահլիճով: Նախկին փոխվարչապետ Արմեն Գևորգյանը ներկայացնելով դաշինքի նախընտրական ծրագիրը, նշեց, որ այն անվանել են. « 365 օր. ապագան սկսվում է հիմա»:

«Մեր հասարակությանը ներկայացվող այս ծրագիրը մենք չենք համարում ավարտուն փաստաթուղթ: Սա մեր սկզբունքային դիրքորոշումն է: Մեր նպատակն է՝ հետադարձ կապի միջոցով ստանալ առաջարկներ, նոր գաղափարներ, ինչու չէ նաեւ առարկություններ: Մենք կոչով դիմում ենք հանրությանը, տարբեր սոցիալական խմբերին, մասնագիտական համայնքներին՝ ձեր առաջարկները, ձեր կարծիքները չափազանց կարեւոր են մեզ համար: Սրանով մենք շեշտում ենք մեր թիմի սկզբունքային մոտեցումներից մեկը՝ մասնակցային կառավարում: Հայաստանը կարիք ունի բոլոր կարող ուժերի, կարող անհատների ներուժի համախմբան»,-ծրագրի ներկայացմանը ասաց Գրիգորյանը:

Վերջինս նշեց, որ դածինքի ծրագիրը մտնելու է Հայաստանի բոլոր գյուղերն ու քաղաքները, բազմաթիվ տներ ու աշխատավայրեր. «Մենք սպասում ենք ձեր առաջարկներին, դիտողություններին, որպեսզի վերջնական փաստաթուղթը լինի ավելի որակյալ, արդյունավետ եւ ամբողջական»:

Մանրամասները՝ տեսանյութում: