Վաղարշակ Հարությունյանն ու Արշակ Կարապետյանը Մոսկվայում են․ Ադրբեջանի ՊՆ ներկայացուցիչների հետ համաձայնեցնում են սահմանազատման քարտեզը. Togarma

Մեր տեղեկություններով՝ ՀՀ պաշտպանության նախարար Վաղարշակ Հարությունյանը և ՀՀ գլխավոր շտաբի պետի առաջին տեղակալ Արշակ Կարապետյանը ժամանել են Մոսկվա՝ Մոսկվայի միջնորդությամբ հանդիպելու Ադրբեջանի ՊՆ ներկայացուցիչների հետ. գրում է Togarma թելեգրամյան ալիքը։

Ըստ ալիքի տեղեկությունների՝ խոսքը քարտեզը համաձայնեցնելու մասին է, որով Հայաստանի և Ադրբեջանի միջև սահմանազատում պետք է իրականացվի: «Եվ ըստ այդ քարտեզների՝ Ադրբեջանը հավակնում է Հայաստանի տարածքում գտնվող նախկին անկլավներին: Հենց այդ քարտեզներն են ընդգրկվելու ապագա եռակողմ հանձնաժողովի աշխատանքներում:

Հայաստանի ռազմաքաղաքական իշխանությունների այս գործողությունները աղետալի հետևանքներ կունենան հանրապետության համար:

Մենք կոչ ենք անում բոլոր քաղաքական ուժերին՝ բարձրաձայնել այս հարցի մասին և փորձել դադարեցնել ցանկացած փաստաթղթի ստորագրում իշխանությունների կողմից՝ հանրապետության անունից:

Քաղաքական խաղերի ժամանակն անցել է, մենք խոսում ենք հանրապետության ապագայի մասին, և հենց հիմա Հայաստանի ռազմաքաղաքական իշխանությունները այս ապագան ուղարկում են աղբարկղը», – գրում է ալիքը։