Թուրքիան և մի շարք արևմտյան տերություններ չեն ճանաչել Սիրիայում ընտրությունների արդյունքները

Թուրքիան չի ճանաչել Սիրիայում անցկացվող ընտրությունները։ «Սիրիայի ռեժիմի կողմից այսօր կազմակերպված ընտրություններն անօրինական են և չեն արտացոլում ժողովրդի կամքը: Այս ընտրությունները չեն համապատասխանում ՄԱԿ-ի Անվտանգության խորհրդի 2254 բանաձևին»,– երեկ նշել է թուրքական արտագործնախարարությունը։

Բացի Թուրքիայից, Սիրիայում ընտրությունները չեն ճանաչվել նաև ԱՄՆ-ում, Մեծ Բրիտանիայում, Ֆրանսիայում և Գերմանիայում:

Արևմտյան և թուրքական լրատվամիջոցները նշում են, որ միջազգային դիտորդներին թույլ չեն տվել մասնակցել ընտրություններին, սակայն Սիրիան հայտարարել էր, որ բաց է ցանկացած արևմտյան դիտորդական առաքելության համար։