Վերին Շորժայի հատվածում ադրբեջանցիները ՀՀ տարածք են մտել 2 կմ. (տեղորոշում). razm.info

Մայիսի 14-ին Armlur լրատվակայքը հրապարակել է Գեղարքունիքի մարզի Վերին Շորժա գյուղից շուրջ 6 կմ դեպի արեւմուտք ընկած հատվածից տեսանյութ, որտեղ երեւում էին ադրբեջանցի զինծառայողներ։ Razm.info-ի մանսագետները տեղորոշել են տեղանքը եւ պարզել, որ ադրբեջանական կողմը ՀՀ տարածքում ուղիղ գծով առաջացել է շուրջ 2 կմ։

Տեսանկարահանումը կատարվել է Վերին Շորժայից շուրջ 6 կմ դեպի արեւմուտք ընկած հատվածում՝ լեռան լանջին։ Ադրբեջանի կողմից օկուպացված Քարվաճառի եւ ՀՀ Գեղարքունիքի մարզի սահմանը անցնում է լեռնագագաթներով, սակայն ինչպես երեւում է տեսանյութից ադրբեջանցի զինծառայողները կանգնած են լանջային հատվածում եւ ուղիղ գծով առաջացել են շուրջ 2 կմ-ի չափով։

Տեղորոշման պատկերը ներկայացվում է ստորեւ.