ՏԵՍԱՆՅՈՒԹ․ Նաիրիտի 240 աշխատակից 7 ամիս աշխատավարձ չի ստացել․ ասում են՝ 25 հազար տոննա պայթյունավտանգ քիմիկատները վտանգի տակ են

7 ամիս աշխատավարձ չի ստացել «Նաիրիտ» գործարանի 240 աշխատակից՝ ըստ Yerkir.am-ի ասաց ՀՀ կառավարության դիմաց նստացույց անցկացնող աշխատակիցներից մեկը։

«25 հազար տոննա պայթյունավտանգ, հրդեհավտանգ քիմիկատներ կան գործարանի ներսում, դրանց անվտանգության ապահովումը գնալով դժվարանում է․ եթե մարդը աշխատավարձ չի ստանում, կարող է նույնիսկ գործարանի ներս չմտնել, դա նշանակում է՝ էկոլոգիական աղետ կարող է լինել»,-ասաց նա։

Նաիրիտի աշխատակիցը նշեց, որ 2 ամիս առաջ նամակներով դիմել են կառավարություն՝ տարբեր նախարարություններ, հարցի լուծում մինչև այսօր չի եղել, դրա համար կոլեկտիվը որոշել է կառավարության դիմաց նստացույց անել։

«Այսօր մեզ ընդունեց Փաշինյանի օգնական Նաիրի Սարգսյանը․ հարցին տեղյակ են, եկանք համաձայնության, որ վաղը աշխատանքային քննարկում է լինելու՝ Նաիրիտի ներկայացուցիչների մասնակցությամբ»,-ասաց նա։

Մանրամասն տեսանյութում․