Լավրովը կմեկնի Բաքու՝ քննարկելու Արցախի շուրջ պայմանավորվածությունները

Ռուսաստանի արտաքին գործերի նախարար Սերգեյ Լավրովը երկուշաբթի կուղևորվի Բաքու, որտեղ նախատեսվում են մի շարք հանդիպումներ՝ քննարկելու համար Լեռնային Ղարաբաղում տիրող իրավիճակը։ Նախարարը կմնա Ադրբեջանի մայրաքաղաքում մինչև երեքշաբթի: Մայիսի 5-6-ը ՌԴ նախարարն այցելել էր Երևան, որտեղ նրան ընդունել էին Հայաստանի ԱԳ նախարար Արա Այվազյանը և հանրապետության վարչապետի ժամանակավոր պաշտոնակար Նիկոլ Փաշինյանը. հայտնում է ՏԱՍՍ-ը։

Ըստ ՌԴ ԱԳՆ պաշտոնական ներկայացուցիչ Մարիա Զախարովայի՝ Ադրբեջանի ղեկավարության հետ հանդիպումներում նախատեսվում է դիտարկել երկկողմ և տարածաշրջանային համագործակցության, ինչպես նաև միջազգային ասպարեզում փոխգործակցության հարցերի լայն շրջանակ: «Առաջնահերթ ուշադրություն է դարձվելու Ռուսաստանի, Ադրբեջանի և Հայաստանի ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի հայտարարությունների իրագործման գործնական ասպեկտներին»,- ասել է նա: