Էրդողանը հայտարարել է, որ անհանգստանում է հույն–եգիպտական բարեկամական հարաբերություններից

Թուրքիայի նախագահ Ռեջեփ Թայիփ Էրդողանը ուրբաթ օրը հայտարարել է, որ իրեն անհանգստացնում են վերջին տարիներին Հունաստանի ու Եգիպտոսի լավ հարաբերությունները:

«Մեզ համար տխուր է տեսնել, որ եգիպտական ժողովուրդը ստիպված է անցնել հույն ժողովրդի կողմը: Մենք տխուր ենք՝ տեսնելով, որ եգիպտացիները համերաշխ են հույների հետ»,- ուրբաթօրյա աղոթքից հետո լրագրողներին ասել է նա:

Հայտարարությունը հաջորդել է չորեքշաբթի և հինգշաբթի օրերին Եգիպտոսի և Թուրքիայի պաշտոնյաների միջև Կահիրեում տեղի ունեցած բանակցություններին՝  ուղղված երկու երկրների՝ 2013 թ. ի վեր խաթարված հարաբերությունների վերականգմանը:

«Եգիպտոսի ժողովուրդը և թուրք ազգը պատմական միասնություն ունեն»,- ասել է Էրդողանը՝ նշելով, որ երկու կողմերի միջև նոր հանդիպումներ տեղի կունենան:

Մեկնաբանությունները կտրուկ հակադրվում են վերջին տարիներին Էրդողանի արած հայտարարություններին, երբ նա Եգիպտոսի նախագահ Աբդել Ֆաթահ  ալ Սիսիին անվանում էր «պուտչիստ» ու «բռնակալ» և ապաստան էր առաջարկում «Մուսուլման եղբայրներ»-ի անդամներին: