Բաքուն իր միջնորդությունն է առաջարկել Թուրքիայի և Իսրայելի միջև հարաբերությունների վերականգնման համար

Ադրբեջանի նախագահի օգնական Հիքմաթ Հաջիևը Israel Yom թերթին տված հարցազրույցում առաջարկել է, որ Բաքուն միջնորդ լինի Թուրքիայի և Իսրայելի հարաբերությունների բարելավման համար:

Հիքմեթ Հաջիևն իր հարցազրույցում ասել է. «Թուրքիան մեր եղբայրն է, Իսրայելը՝ մեր ռազմավարական դաշնակիցը: Մենք ուզում ենք, որ մեր ընկերներն իրար հետ ընկերություն անեն: Բաքուն պատրաստ է անցկացնել Իսրայել-Թուրքիա հանդիպումը: Թուրք-իսրայելական հարաբերությունների բարելավումը մեր քաղաքականության հիմնական գերակայություններից է, և Իլհամ Ալիևը հատկապես ակտիվ է այս ոլորտում»:

Ավելի վաղ մի շարք փորձագետներ ենթադրում էին, որ ԱՄՆ-ում Ջո Բայդենի իշխանության գալուց հետո, որը վճռական է վերանայել Թրամփի դարաշրջանի քաղաքականությունը  Մերձավոր Արևելքում, Վաշինգտոնի երբեմնի մերձավոր դաշնակիցները կարող են համագործակցել՝ հնարավոր մարտահրավերներին դիմակայելու համար: