Նոր Ջուղայի Հայ դատի գրասենեակի յայտարարութիւնը

ԱՄՆ Հայ դատի հանձնախմբի սիրելի ընկերներ, բարեկամնե՛ր եւ գործընկերներ,

Շնորհաւորում ենք ԱՄՆ նախագահ Ջօ Բայդէնի կողմից 2021 թւականի Ապրիլի 24-ին, Հայոց Ցեղասպանութեան պաշտօնապէս ճանաչման առթիւ: Այս իրադարձութիւնը ոչ միայն իրաւական ու քաղաքական առումով կարեւոր վկայութիւն է մարդկութեան դէմ իրագործւած եւ անպատիժ մնացած մեծ ոճրագործութեան, այլեւ արտացոլում է այդ պաշտօնական ճանաչման հեղինակների ողջախոհութիւնն ու մարդկային մեծ արժանիքները:

Անկասկած Հայ դատի արդար լուծման ուղղութեամբ այս ձեռքբերումն իրականացել է Ձեր տարիների ծաւալուն եւ անխոնջ գործունէութեան շնորհիւ: Դուք երկար տարիների Ձեր աշխատանքով տիպար էք հանդիսանում համայն հայութեանը՝ չվհատւելու, հայրենանւէր աշխատելու եւ ազգի ընդհանրական շահերը ամէն բանից վերը դասելու իմաստով:

Զօրակցում եւ յաջողութիւն ենք մաղթում Ձեր յետագայ աշխատանքներին՝ Հայ Դատի արդար լուծման համահայկական պայքարում:

Նոր Ջուղայի Հայ Դատի գրասենեակ
Սպահան-Իրան
26 ապրիլ 2021 թ.