Կառավարության շենքը Նիկոլին չի պատկանում, ոչ էլ այս պետությունն է իրեն պատկանում․ ակցիայի շղթայակապ մասնակից

Նենց ենք արել, որ Նիկոլ Փաշինյանը մաքսիմալ դժվարությամբ մուտք գործի մեր կառավարության շենք՝ ըստ Yerkir.am-ի հայտարարեցին ձեռնաշղթաներով իրենց ՀՀ կառավարության շենքի դարպասներին գամած քաղաքացիները։

«Այս շենքն իրեն չի պատկանում, ոչ էլ այս պետությունն է իրեն պատկանում»,-ասաց նրանցից մեկը։  

Ակցիայի մասնակիցները նշեցին, որ «Ազատագրում» շարժման անդամներ են և դեմ են Նիկոլ Փաշինյանին։

«Մենք պահանջում ենք նրա անհապաղ հրաժարականը, մենք չենք ուզում, որ նա մտնի մեր պետության կառավարության շենք և մենք չենք ուզում «թուրքը» ամսի 24-ին գնա Ծիծեռնակաբերդ»,-ասացին նրանք։

Ակցիայի մասնակիցները համոզված են, որ քիչ է մնացել, պետք է դիմանալ, սրիկան հեռանալու է։

Ոստիկանները երկար ժամանակ չէին կարողանում որևէ կերպ բացել ձեռնաշղթաների կողպեքը։

«Նիկոլ Փաշինյանի Հայաստանում նույնիսկ չեն կարողանում կազմակերպված մի հատ ռեզակ բերեն ու կտրեն, բուլավկեքով են աշխատում»,-ասաց ակցիայի մասնակիցը։

Ձեռնաշղթաները բացելուց հետո խաղաղ ակցիայի մասնակիցներին ապօրինաբար բերման ենթարկեցին։