Փաշինյանի կնքահայր Հայկ Ղալումյանը վաղը կնշանակվի Տավուշի մարզպետ. հարցն ընդգրկված է Կառավարության նիստի օրակարգում

Փաշինյանի կնքահայր, ԱԺ «Իմ քայլը» խմբակցության պատգամավոր Վահե Ղալումյանի եղբայր, Իջևանի քաղաքապետի պաշտոնակատար Հայկ Ղալումյանը կշանակվի Տավուշի մարզպետ։ Այդ մասին հարցն ընդգրկված է Կառավարության նիստի օրակարգում:

«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է. Հայկ Ղալումյանին նշանակել Հայաստանի Հանրապետության Տավուշի մարզպետ»,- նշված է նախագծում։

Ավելի վաղ Yerkir.ам-ը գրել էր, որ Փաշինյանն օրերս Կառավարության հաստատմանն է ներկայացնելու Տավուշի մարզպետի իր թեկնածուին, ով Իջեւանի քաղաքապետի ժամանակավոր պաշտոնակատար, իր ընկեր եւ կնքահայր Հայկ Ղալումյանն է:

Տես նաև՝ Փաշինյանի կնքահայր-քաղաքապետը՝ Տավուշի մարզպե՞տ: