Մխիթարյանն այսօր բուժզննում կանցնի

«Ռոմայ»-ի և Հայաստանի հավաքականի ֆուտբոլիստ Հենրիխ Մխիթարյանն այսօր առավոտյան ժամանել է Villa Stuar բժշկական կենտրոն, որտեղ բուժզննում կանցնի, որից հետո պարզ կլինի, թե երբ ֆուտբոլիստը կվերադառնա մարզադաշտ։ Այդ մասին հայտնում է Football Italia-ն։

Հռոմեական ակումբում հույս ունեն, որ հայ ֆուտբոլիստը կվերականգնվի և պատրաստ կլինի Եվրոպա Լիգայի՝ «Այաքս»-ի դեմ հանդիպմանը։

Հիշեցնենք, որ Մխիթարյանը վնասվածք էր ստացել Եվրոպա լիգայի 1/8 եզրափակիչի՝ «Շախտյոր»-ի դեմ խաղում, որից հետո բաց էր թողել հռոմեական ակումբի հանդիպումները, նաև չէր կարողացել միանալ Հայաստանի հավաքականին՝ ԱԱ 2022թ որակավորման փուլի խաղերին մասնակցելու համար։