Բայդենի զանգը կարևոր չէ կառավարության համար, Թուրքիան այլևս չի զիջելու. Էրդողանի խորհրդական

Անկարան ոչ մի մտահոգություն կամ անհանգստություն չունի այն բանի կապակցությամբ, որ ԱՄՆ նախագահ Ջո Բայդենը դեռ չի խոսել իր թուրք գործընկերոջ հետ. հայտարարել է Թուրքիայի նախագահի խորհրդական Իբրահիմ Քալընը։

«Իմ խոսքերը կարող են մի փոքր կոշտ լինել, բայց դա (Բայդենի հետ շփման բացակայության մասին քննարկումը) ինձ հիշեցնում է թերարժեքության բարդույթ, որը կար նախորդ վարչակազմերում»,- ասել է Քալընը Haber Global հեռուստաալիքին տված հարցազրույցում:

Նրա խոսքով՝ ԱՄՆ-ի հետ Թուրքիայի հարաբերությունները միշտ գնացել են դեպի անկում:

«Բարաք Օբամայի օրոք Վաշինգտոնը սկսել է աջակցել սիրիական քրդական խմբերին, որոնց Թուրքիան համարում է ահաբեկչական, մինչդեռ՝ Դոնալդ Թրամփը պատժամիջոցներ է սահմանել CAATSA-ի շրջանակներում իր ճանապարհին գտնվող Ս-400- ի պատճառով»,- նշել է Քալընը։