Նեթանյահուն հայտարարել է Թուրքիայի հետ հարաբերությունների կարգավորման գործընթացի մեկնարկի մասին

Իսրայելի վարչապետ Բինյամին Նեթանյահուն, խոսելով մարտի 11-ին Բաթ Յամ քաղաքում անցկացվող նախընտրական արշավի շրջանակներում, հայտարարել է Անկարայի և Թել Ավիվի միջև հարաբերությունների կարգավորման գործընթացի մեկնարկի մասին. հաղորդում է Haber7-ը:

«Այո, մենք բանակցություններ ենք վարում նաև Թուրքիայի հետ, սա կառուցողական քայլ է»,- լրագրողի հարցին պատասխանել է Նեթանյահուն:

Հիշեցնենք, որ ավելի վաղ Իսրայելի էներգետիկայի նախարար Յուվալ Շտայնիցն ասել էր, որ իր երկիրը պատրաստ է համագործակցել Թուրքիայի հետ: Նրա խոսքով՝ համագործակցությունը նախատեսվում է ընդլայնել նավթագազային ոլորտում:

Նեթանյահուն նշել է նաև, որ Արևելյան Միջերկրական ծովի երկրների հետ հարաբերությունները չափազանց կարևոր են տարածաշրջանի բարգավաճման և հանգստության համար: