Կրթությունն ու առողջապահությունը թանկացնում են, իսկ իրենց պարգևավճարներին ձեռք չեն տալիս. Թադեւոս Ավետիսյան. hraparak.am

Կառավարությունը պատրաստվում է առողջապահության, կրթության եւ գյուղատնտեսության ոլորտները հարկել ավելացված արժեքի հարկով: Նպատակը, ինչպես հայտարարում են, կորոնավիրուսի համավարակի եւ պատերազմի պատճառով առաջացած հարկային ճեղքի կրճատումն է: Նոր օրենսդրական փաթեթը պատրաստ կլինի  մայիսի կեսերին: Ի՞նչ հետեւանքներ կունենա հարկային այս «ծանրացումը» ոլորտների վրա, ինչպե՞ս կանդրադառնա մարդկանց առանց այն էլ ծանր, սթրեսային կյանքի վրա: Տնտեսագետ Թադեւոս Ավետիսյանը, մեր հարցերին պատասխանելով, շեշտեց, որ, փաստորեն, հարկում են սոցիալական կարեւոր նշանակություն ունեցող երկու ոլորտները՝ կրթությունն  ու առողջապահությունը, որոնք տարիներ շարունակ օգտվել են արտոնություններից: «Սրանց խելքին չի հասնում, որ տրված արտոնությունները հենց այնպես չեն, այլ կարեւոր սոցիալական նշանակություն ունեին: Համավարակը հաղթահարված չէ, առողջապահական ծառայությունները մեր երկրում ունեն մատչելիության լուրջ խնդիր: