Բունդեսթագը Ադրբեջանից կաշառք ստանալու համար պատգամավորին զրկել է անձեռնմխելիությունից

Մարտի 4-ին Բունդեսթագը միաձայն զրկել է Աքսել Ֆիշերին անձեռնմխելիությունից՝ Ադրբեջանից ԵԽԽՎ-ում գումարներ ստանալու համար:

Պատգամավորը Քրիստոնեա-դեմոկրատական միություն իշխող կոալիցիայի անդամ էր: Անձեռնմխելիության վերացումը հետաքննող մարմիններին թույլ կտրվի խուզարկություններ իրականացնել: Ենթադրվում է, որ որոշումը կապված է Ֆիշերի՝ հօգուտ Ադրբեջանի հնարավոր լոբբիստական գործունեության հետ։

Պատգամավորը կասկածվում է 2008-2016 թվականներին Բալթյան բանկերում հաշիվներին բրիտանական կեղծ ընկերությունների միջոցով Ադրբեջանից գումար ստանալու մեջ: Դատախազության հայտարարության համաձայն,՝ ստացված գումարի դիմաց ԵԽԽՎ պատգամավորները բանաձևերի նախագծեր են ներկայացրել և քվեարկել հօգուտ Բաքվի, ինչպես նաև նշանակել են Ադրբեջանին հաճելի մարդկանց: