Թուրքիան դադարել է վիրավորել մեզ, բայց մենք ուզում ենք իրական քայլեր տեսնել. Ֆրանսիա

Թուրքիան դադարել է վիրավորել Ֆրանսիային և ԵՄ–ին, բայց հարաբերությունները շարունակում են մնալ փխրուն մինչև այնքան ժամանակ, քանի դեռ այն կոնկրետ քայլեր չի ձեռնարկել։ Բայց վիրավորանքներ այլևս չկան, և շփումը դարձել է էլ ավելի հուսադրող. այս մասին հայտարարել է Ֆրանսիայի արտաքին գործերի նախարար Ժան-Իվ Լե Դրիանը մարտի 2-ի ուշ երեկոյան կայացած խորհրդարանական լսումների ժամանակ։

Լը Դրիանը նշել է, որ թուրքական հետազոտական նավերի դուրսբերումը Կիպրոսի ջրերից Միջերկրական ծովի արևելյան մասում և Անկարայի ցանկությունը վերսկսել բանակցությունները Հունաստանի հետ երկարատև ծովային վեճի շուրջ, դրական նշաններ են:

«Բայց սա այնքան փխրուն է, քանի որ տարաձայնությունների ցանկը երկար է: Բայց մենք ցանկանում ենք առողջ հարաբերություններ ունենալ Թուրքիայի հետ», - ասել է Ֆրանսիայի արտգործնախարարը՝ մատնանշելով Լիբիայի, Իրաքի և Լեռնային Ղարաբաղի շուրջ տարաձայնությունները: «Գործողություն է անհրաժեշտ, և մենք սպասում ենք, որ այս գործողությունները կավարտվեն: Առայժմ սա պարզապես բառերով է»: