Ռուսաստանն ու Սիրիան ԱՄՆ-ին մեղադրել են զինյալներին ՄԱԿ-ի մարդասիրական օգնությունը փոխանցելու մեջ

ԱՄՆ-ը ճնշում է գործադրում ՄԱԿ-ի վրա`խնդրելով մարդասիրական օգնություն տրամադրել Սիրիայի Ռուքբան ճամբարի բնակիչներին, որն այնուհետև մատակարարում է զինյալներին․ նշվում է Ռուսաստանի և Սիրիայի միջգերատեսչական համակարգող շտաբի համատեղ հայտարարությունում:

«ԱՄՆ-ն օգտագործում է ստեղծված իրավիճակը ՄԱԿ-ի ղեկավարության վրա ճնշում գործադրելու համար` պարբերաբար բարձրաձայնելով ճամբարի բնակիչներին մարդասիրական օգնություն հասցնելու անհրաժեշտության մասին: Միևնույն ժամանակ, ամերիկացիներն իրականում ակնկալում են օգտագործել այս բեռը զինյալներին մատակարարելու համար, ինչպես դա արդեն եղել է մեկից ավելի անգամներ», - ասվում է հայտարարության մեջ:

Ռուսաստանն ու Սիրիան ճամբարում ստեղծված իրավիճակի պատասխանատվությունը դնում են ամերիկյան կողմի վրա: Փաստաթղթում ասվում է, որ Միացյալ Նահանգները խոչընդոտում են ճամբարի լուծարմանը, ինչը Սիրիայի ինքնիշխանության վերականգնման և խաղաղ կյանքի գլխավոր խոչընդոտն է: Միևնույն ժամանակ, սիրիական իշխանությունները պատրաստ են ընդունել Ռուքբանում պահվող բոլոր քաղաքացիներին և ապահովել նրանց անվտանգությունն ու կյանքի արժանապատիվ պայմանները: