Կոչ ենք անում ժողովրդին՝ ժամը 15։00-ից հավաքվել Ազատության հրապարակում, մեր զորակցությունը հայտնելու Բանակին ու ավարտին հասցնել Փաշինյանի հեռացման գործը. «Հայրենիքի փրկության շարժում»

Հայրենիքի Փրկության Շարժումը ողջունում է ՀՀ ԶՈՒ բարձրագույն հրամանատական կազմի հայտարարությունը˒ դրանում արձանագրված բոլոր հաստատումները եւ իր զորակցությունն է հայտնում մեր երկրի միակ ու անշահախնդիր երաշխավոր մեր Զինված Ուժերին։ Այս մասին ասված է «Հայրենիքի փրկության շարժման» խորհրդի տարածած հայտարարության մեջ:

Փաշինյանը կառչելով փրփուրներից՝ այժմ փորձում է մեր ժողովրդին դրդել քաղաքացիական բախումների ու արյունահեղության։

Կոչ ենք անում մեր Ժողովրդին՝ Հայրենիքի փրկության համար մտահոգ բոլոր քաղաքացիներին, ժամը 15։00-ից հավաքվել Ազատության հրապարակում, մեր զորակցությունը հայտնելու մեր Զինված Ուժերին, մեր Հայոց Բանակին ու ավարտին հասցնել հայրենադավ կառավարության ու Փաշինյանի հեռացման գործը»,- ասված է հայտարարության մեջ: