ՏԵՍԱՆՅՈՒԹ․ ՀՅԴ Հայաստանի ԳՄ անդամ Աշոտ Սիմոնյանին և այլ ցուցարարների բռնի ուժով բերման ենթարկեցին

Ոստիկանությունը մեծաթիվ ուժեր է կենտրոնացրել ՀՀ կառավարության շենքի առջև և բռնի ուժով բերման է ենթարկում Նիկոլ Փաշինյանի դեմ բողոքի ակցիա իրականացնող քաղաքացիներին, որոնք խաղաղ անհնազանդության ակցիայով իրենց վերաբերմունքն են ցույց տալիս կառավարության մի մասնաշենքից մյուսը քայլող Նիկոլ Փաշինյանին՝ հայտնում է Yerkir.am-ը։

ՀՅԴ Հայաստանի ԳՄ անդամ Աշոտ Սիմոնյանին բռնի ուժով նստեցրին ոստիկանական մեքենան և տարան։

Ապա ուժ կիրառեցին ՀՅԴ անդամ Գերասիմ Վարդանյանի նկատմամբ, որը ելույթով ոստիկաններին հիշեցնում էր, որ պաշտպանում են «իրենց ընկերների արյունը վաճառող թուրքին»։

Ոստիկանները աչքի ընկան ակնհայտ ագրեսիվությամբ՝ քաշքշելով և ոստիկանական մեքենաներ նստեցնելով խաղաղ ցուցարարներին։

Մանրամասն՝ տեսանյութում․