Ամենանիկոլականներն արձանագրեցին, որ Նիկոլը Գյումրիում հազիվ թե կարողանա թաղի լիազոր ընտրվել

«Հայրենիք» կուսակցության անդամ Արսեն Բաբայանը ֆեյսբուքյան իր էջում գրել է.

«Արդեն մեկ ամիս կլինի, որ մտածում եմ հարցմամբ պարզել Գյումրի քաղաքում նիկոլի վարկանիշը: Ինձ ճանաչողները գիտեն, թե ինձ համար ինչ նշանակություն և կարևորություն ունի Գյումրին: Դրան էլ վրադիր՝ մեր կուսակցության Շիրակի մարզի տարածքային կառույցի գործունեության համակարգողն եմ:

Մի խումբ շիրակցի ամենավառ նիկոլականներ  այսօր ինձ ազատեցին Գյումրիում նիկոլի վարկանիշը չափելու անհրաժեշտությունից, քանի որ հենց իրենց հանրահավաքով իրենք չափեցին այն: Այդ հանրահավաքին մասնակցում էին շուրջ 200 մարդ, որոնց մի մասը Շիրակի մարզի մյուս համայնքներից էին, մի մասը ոստիկանության ծառայողներ, իսկ մի փոքր մասն էլ Երևանից: 

Փաստորեն այսօր շիրակցի ամենանիկոլականներն արձանագրեցին, որ նիկոլը Գյումրիում հազիվ կարողանա մեկ փողոցի համատիրության նախագահ (թաղի լիազոր) ընտրվել:

Հատուկ շնորհակալություն եմ հայտնում այդ տղաներին»:

Նշենք, որ այսօր մի խումբ քաղաքացիներ Գյումրու Վարդանանց հրապարակում հանրահավաք էին անցկացնում՝ իրենց աջակցությունը հայտնելով վարչապետ Նիկոլ Փաշինյանին: