Իրանը Իսրայելին կոշտ պատասխանով է սպառնում՝ Սիրիայում իր դիրքերը ռմբակոծելու համար

Իսրայելին կոշտ պատասխան է սպասվում, եթե անցնի Սիրիայի «կարմիր գիծը». Դամասկոս կատարած այցի ժամանակ ՌԻԱ «Նովոստի»-ին տված հարցազրույցում ասել է Իրանի արտգործնախարարի ավագ խորհրդական Ալի-Ասղար Հաջին:

«Սիոնիստական կառույցի բնույթն իր ստեղծման օրվանից ագրեսիվ և թշնամական է տարածաշրջանի, Պաղեստինյան ժողովրդի և հարևան երկրների նկատմամբ: Իսկ մինչ Սիրիայի կառավարությունը պայքարում է ահաբեկչության դեմ, Իսրայելն աջակցում է նրանց»,- ասել է նա:

Դիվանագետը հավելել է, որ Սիրիայում Իրանի ներկայությունը նպատակ ունի պայքարել ԻՊ-ի և այլ ահաբեկչական խմբավորումների դեմ, բայց եթե Իսրայելը ցանկանա անցնել կարմիր գծերը, ապա ամենակոշտ պատասխանին կբախվի, որը «կստիպի նրան զղջալ իր գործողությունների համար»: