Մոսկվայում հունվարի 11-ին տեղի կունենան Պուտին-Ալիև-Փաշինյան եռակողմ բանակցություններ․ Կրեմլ

ՌԴ նախագահ Վլադիմիր Պուտինի նախաձեռնությամբ՝ հունվարի 11-ին Մոսկվայում տեղի կունենան եռակողմ բանակցություններ Ռուսաստանի նախագահի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի միջև: Այս մասին հայտնում է Կրեմլի մամուլի ծառայությունը։

Նախատեսվում է դիտարկել Ադրբեջանի, Հայաստանի և Ռուսաստանի ղեկավարների ՝ Լեռնային Ղարաբաղի վերաբերյալ 2020 թվականի նոյեմբերի 9-ի հայտարարության կատարումը և քննարկել տարածաշրջանում առկա խնդիրների լուծման հետագա քայլերը:

Առանձնահատուկ ուշադրություն է դարձվելու ռազմական գործողություններից տուժած բնակիչներին օգնություն ցուցաբերելու, ինչպես նաև առևտրատնտեսական և տրանսպորտային կապերի ապաշրջափակման և զարգացման հարցերին

Բացի այդ, նախատեսվում են Վլադիմիր Պուտինի առանձնազրույցները Իլհամ Ալիևի ու Նիկոլ Փաշինյանի հետ։