Փաստ է՝ ՀԱՊԿ-ի օգնությունից հրաժարվել ենք․ մեղավորը մեկն է՝ բոլորս գիտենք՝ ով․ Սուրեն Սարգսյան

Միջազգայնագետ Սուրեն Սարգսյանը գրում է․

«Հիմա շատ է խոսվում այն մասին, որ պետք է «նեղանալ» և այլևս չանդամակցել և չհամագործակցել միջազգային կառույցների՝ ԵԽ, ԵԽԽՎ, ՄԱԿ, ՀԱՊԿ, (ԵՄ) և այլն, քանի որ պատերազմի ժամանակ նրանք մեզ ոչինչ չտվեցին և ադրբեջանական ագրեսիան չդատապարտեցին, իսկ մենք նրանց հետ տասնյակ տարիներ աշխատում էինք: Նույնը վերաբերում է առանձին վերցրած պետություններին՝ ԱՄՆ, Չինաստան, Ֆրանսիա, Իսրայել և այլն: Կարծում եմ սա սխալ մոտեցում է:

1. Նախ, պատկերացրեք, թե ինչ կեցվածք էին ընդունելու, եթե տասնյակ տարիներ հետները աշխատած չլինեինք:

2. Դեռ չես իմանա, թե ինչեր են առաջարկել մեզ և միգուցե մեր ղեկավարը հրաժարվել է:

3. Փաստ է, որ մեր ղեկավարը տարբեր միջազգային կառույցների և երկրների համար չի դիմել այս կամ այն օգնությունը ստանալու համար:

4. Փաստ է նաև, որ օրինակ ՀԱՊԿ-ի օգնությունից հրաժարվել ենք: Այնպես որ «նեղանալ» չի կարելի, նրանք մեղավոր չեն: Մեղավորը մեկն է՝ բոլորս գիտենք, թե ով»։