Վաշինգտոնը պատժամիջոցներ է կիրառել Ռուսաստանի պաշտպանության նախարարության և ԱՀԾ-ի դեմ

ԱՄՆ առևտրի նախարարությունը հրապարակել է 103 ընկերությունների ցուցակ (45 ռուսական և 58 չինական), որոնք չեն կարողանա գնել ԱՄՆ ապրանքներ և տեխնոլոգիաներ: Պատժամիջոցներ են սահմանվել ՌԴ ՊՆ, ավիատիեզերական և նավաշինական արդյունաբերության դեմ. հայտնում է segodnia.ru կայքը։

Ցուցակում ներառված են երկրի ՌԴ արտաքին հետախուզական ծառայությունը, «Ռոսիա» հատուկ թռիչքային ջոկատը, «ՄիԳ»-ը, «Սուխոյի քաղաքացիական ինքնաթիռներ» ԲԲԸ-ն, «Սուխոյ», «Տուպոլև», «Իրկուտ», Կազանի ուղղաթիռների գործարանները, «Կոմսոմոլսկ-Ամուր» ավիացիոն գործարանը, Տագանրոգի ավիացիոն գիտատեխնիկական համալիրը և մի քանի տասնյակ այլ արդյունաբերական և ռազմական նշանակության ստորաբաժանումներ։

«Մենք արդեն մոռացել ենք, թե ինչպես կարելի է ապրել առանց պատժամիջոցների: Այնպես որ՝ ոչ մի նոր բան: Անբարյացակամ գործողությունների հերթական փուլ և լրացուցիչ խթան՝ էլ ավելի լավ աշխատելու համար»,- ասել է «Ռոստեխ»-ի ներկայացուցիչը: